+27 071 317-0233
Die Musiek-Akademie
Nasionale Eksamenstelsel

Welkom by Die Musiek-Akademie

Die Musiek-Akademie het sy onstaan gehad gedurende Augustus 1988, en is geregistreer gewees oorspronklik onder die  naam, “ALMSA – Akademie vir Ligte Musiek van SA” en is gestig deur wyle Mnr Pieter van der Merwe, wat ook as die Registrateur opgetree het tot en met sy afsterwe in Mei 2018. Mnr Dries Petzer, is hierna aangestel as die nuwe Registrateur van Die Musiek-Akademie. 

 

 

As deel van die 30 ste bestaansjaar in 2018, is deur die adviserende raad & bestuurspan van Die Musiek-Akademie besluit dat Die Musiek-Akademie ‘n transformasie moes ondergaan. Die eerste fase van die transformasie was die aanpassing van die geregistreerde naam na “Die Akademie vir Kontemporêre, Jazz & Gospel Musiek van Suider-Afrika” met die gebruiksnaam “Die Musiek-Akademie”. Ander aspekte wat deel gevorm het van die transformasie, het ingesluit: ‘n nuwe kleurskema vanaf die ligblou kleur na Maroon, Goud & Silwer. Die logo kleure is ook dienooreenkomstig aangepas.  Daar is ook ‘n nuwe webblad geskep. 

 

 

Die mees belangrikste transformasie was die bekendstelling van totale hersiende formaat vir die leerplanne en publikasies tenopsigte van verskeie van die instrumente. Om aan te skakel hierby, word daar ook nuwe instrumente ingesluit wat nie voorheen beskikbaar was. 

 

Die Musiek-Akademie is ‘n onafhanklike instansie wat nasionale eksamens aanbied in Kontemporêre, Jazz & Gospel Musiek. Eksamens word die afgelope 33 jaar, in verskeie sentras op ‘n Nasionale vlak, drie keer per jaar afgeneem. Op 27 Julie 2021 word daar amptelik bekend gemaak dat Die Musiek-Akademie hierdie stelsel Internasionaal beskikbaar maak vir musiek onderwysers.

 

Die Musiek-Akademie se unieke benadering tot musiek opleiding en eksaminering, het bewys dat eksamens nie net gerig wees op erkening vir toegewyde harde werk nie maar moet ook aangenaam en in ‘n ontspanne atmosfeer geskied vir kandidate. Vanaf Maart 2020 skakel Die Musiek-Akademie volwaardig oor na ‘n digitale eksamenstelsel. Inligting aangaande die digitale eksamens is beskikbaar op die eksamen blad.

 

Hieronderaan verskyn ‘n bekendstelling video asook ‘n inligtings publikasie wat digitaal deur geblaai en gelees kan word.

Please wait while flipbook is loading. For more related info, FAQs and issues please refer to DearFlip WordPress Flipbook Plugin Help documentation.

Sillabus Aanpassings

Die huidige sillabus reeks is as konsep sillabus gedurende 2018 geloots, met ‘n 3 jaar proeftydperk. Gedurende hierdie tydperk is daar reeds waargeneem dat sekere aanpassings tot die sillabusse gedoen sal moet word. Tans word daar deurentyd gewerk om die nodige veranderinge in die publikasies by te bring. Eratas sal ook beskikbaar gestel word tenopsigte van hierdie veranderinge. Hierdie Eratas sal beskikbaar gestel word op die webblad asook op sosiale media platvorms.